Soch Raha Hoon Ki Kya Ab Bhi Waisi Dikhti Hogi Tum....?

Soch Raha Hoon Ki Kya Ab Bhi Waisi Dikhti Hogi Tum....?

Jaisay Pehlay Lagti Thi, Kya Waisi Lagti Hogi Tum.....?

Toot Toot Kar Ab Bhi Baadal Paaun K Neechay Aatay Hongay...?

Sard Hava Men Sookhay Paton Par Kya Chalti Hogi Tum....?

Ab Bhi Kya Aavaara Gesu, Rukhsaaron Ko Chhotay Hon Gay....?

Baaten Karti, Muskaati Si, Kaisi Dikhti Hogi Tum.....?

Soch Raha Hoon Aisa Na Ho, Ye Bhi To Ho Sakta Hay Na.....

Beetay Lamhay Soch K Akser Aahen Bharti Hogi Tum.....

Yaad, Nahi Kya Aataa Hoga..? Hamara Wi Geet Puraana....?

Aainay K Aagay Jab Bhi Banti Sanvarti Hogi Tum......

Waqt Ka Pahiya Tez Chala Hay, Aisa Tum Ko Lagta Hoga....

Daur-Daur Kar Aangan Men Jub Titli Pakarti Hogi Tum....

Yaad Hay Mujhko Baat Baat Par, Rootha Karti Thi Tum Aksar.....

Kon Manaata Hoga Ab, Jub Rootha Karti Hogi Tum.....?

Pheeki Pheeki Hayraani Si, Halka Halka Gham Ka Saaya....

Chehray Par Aa Jaata Hoga, Jab Bhi Hansti Hogi Tum......

Pheeka Pheeka Lehja Hai Ab, Tootay-Phootay Sher Hai Saaray.....

Tere Naam Likhe Mere Geet Adhooray, Ab Bhi Parhti Hogi Tum.......?